 |
|
| World's
First Roman Urdu Translation Quran Shareef |
| |
| Surat-Maarijj
70 |
| (Sura-Maarijj Makka mai Nazil
hui, is mai chawalees (44) Aayatain hain) |
| |
70.01 Aik
sawal kernay walay ney uss azab ka swal kiya jo wazeh honay
wala hay.
70.02 Kafiron per jissay koi hatanay wala nahi.
70.03 Uss Allah ki taraf say jo seerhiyon wala
hay.
70.04 Jiss ki taraf farishtay aur rooh charhtay
hein aik din mein jiss ki miqdaar pachas hazar saal ki hay.
70.05 Pus to achi tarah sabar ker.
70.06 Beshak yeh uss (azab) ko door samajh
rahe hein.
70.07 Hum issay qareeb hi dekhatay hein.
70.08 Jiss din aasman misil tel ki talchat
kay hojayega.
70.09 Aur pohaar misil rangeen oon kay hojey
gay.
70.10 Aur koi dost kissi dost ko na poochay
ga.
70.11 (Halankay) aik doosray ko dikha diye
jaeyen gay gunehgar uss din kay azab kay badlay fidye mein apney
beton ko.
70.12 Apni biwi ko aur apney bhai ko.
70.13 Aur apney kunbay ko jo issay panah deta
tha.
70.14 Aur roy e zameen kay sab logon ko dena
chahyega takay yeh ussay nijat dilaye.
70.15 Mager hergiz yeh na hoga yaqeenan wo
shoal wali (aag) hai.
70.16 Jo mun aur sar ki khal khench lynay wali
hay.
70.17 Wo her us shaks ko pukaray gi jo pechay
hata aur mun morta hay.
70.18 Aur jama ker kay samnbhal rakhta hay.
70.19 Beshak insan baray kachy dil wala banaya
gaya hay.
70.20 Jab is say musibat puhanchti hay to har
bara uthta hay.
70.21 aur jab rahat milti hay to bukhul kernay
lagta hay.
70.22 Mager wo namazi.
70.23 J apnai namaz per hameshagi kernay walay
hein.
70.24 Aur jin kay maalon mein mukarra hisa
hay.
70.25 Mangnay walon ka bhi aur sawal say bachnay
walon ka bhi. |
| |
|
| |
|
| |
