 |
|
| World's First Roman Urdu Translation Quran Shareef |
| |
| Surat-Jinn 72 |
| (Sura-Jinn Makka mai Nazil hui, is mai atthais (28) Aayatain hain) |
| |
72.01 (Aey Muhammad (S.A.W) Aap keh dein kay mujhy wahi ki gai hay kay jinno ki ik jamat ne (Quran) suna or kaha kay hum ney ajeeb Quarn suna hai.
72.02 Jo rah e rast ki tarf rahnumai kerta hai hum is per iman la chukay (ab)hum her giz kisi ko bhi apney rab ka sharek na banein gay.
72.03 Aur beshak hamary Rab ki shan bari buland hai aur na us ney kisi ko (apni) biwi banaya hay aur na beta.
72.04 Aur yeh kay kehtay rahein hein hamary nadan logAllah kay bary mein bhat khilaf e haq batein.
72.05 Aur hum to yehi samjhtay rahy kay namumkin hai kay insan aur jinnat Allah per jhoti batein lagaein.
72.06 Baat yeh hay kay chand insan baaz jinnat say panah talab kertay thy jis say jinnat apnai serkashi mein aur barh gay.
72.07 Aur (insano) ney bhi tum jino ki tarah guman ker liya tha kay Allah kisi ko na bhyjay ga (ye kisi ko dobara zinda an kery ga).
72.08 Aur hum ney asman ko tatool ker dekha to usay sakht chokidaron aur sakht sholon say pur paya
72.09 Is say pehlay hum baatein suneinkay liye asman mein jagah jagah beth jaya kertay thy .jo bhi kan lagata hay wo ik sholay ko apni taak mein pata hai.
72.10 Hum nahi jantay kay zameen walon kay sath kisi burai ka irada kiya gaya hay ya in kay rab ka irada in kay sath bhalai ka hai.
72.11 Aur yeh kay (beshak) baaz to hum mein nekokar hein aur baaz iskay barakas bhi hein hum mukhtalif tareeqon say batay hoy hein.
72.12 Aur hum ney samajh liya hay kay hum Allah Talah ko zameen mein hergiz aajiz nahi ker saktay aur na hum bhag ker issy hara saktay hein.
72.13 Hum to hidayat ki bat suntay hi is per eman la chukay aur jo bhi apney rab per eman laye ga us say na kisi nuksan ka andesha hay na zulm-o-sitam ka.
72.14 Han hum mein baaz to musalman hein baaz be-insaf hein pus jo farmaberdar hogay unhon ney to raah-e-raast ka qasad kiya.
72.15 Aur jo zalim hein wo jahanum ka endhen bangay.
72.16 Aur (aey Nabi yeh bhi khay do) kay log raaah e rast per seedhay rehtay to yaqeenan hum enhein both waffir pani pilatay.
72.17 Takay hum is munhein azmalein aur jo sahks apney perwedigar kay zikar say mun pherlay ga to Allah Talah ussay sakht azab mein mubtila kerdayga.
72.18 Aur yeh kay mesjidein sirf Allah hi kay liye khas hein pus Allah Talah kay sath kissi aur ko na pukaro.
72.19 Aur jab Allah ka banda uss ki ibadat kay liye khara hoa to qareeb tha kay wo bheer ki bheer ban ker uss per pal paren.
72.20 Aap keh dijey kay mein to sirf apney rab hi ko pukarta hon aur is kay sath kissi ko shareek nahi banata.
72.21 Keh dijey kay mujhy tumhary kisi nuksan nafa ka ikhtiyar nahi.
72.22 Kehdijey kay mujhy hergiz koi Allah say bacha nahi sakta aur mein hergiz uss kay siwa koi jay e panah bhi paa nahi sakta.
72.23 Albata (mera kam) Allah ki baat aur iss kay peghamaat (logon ko) phuncha dena hia (ab) jo bhi Allah aur uss kay rasool kin a maanay ga uss kay liye jahanum ki aag hai jiss mein aisay log hamesha rahengay.
72.24 (unki aankh na khulaygi) Yahan tak kay ussay dekhlen jis ka unko wada diya jata hia pus unqareeb jaan lengay kay kis ki jamat kum hai.
72.25 Kehdijey kay mujhy maloom nahi kay jiss ka wada tum say kiya jata hai wo qareeb hia ya mera rab us kay liye door ki muddat mukarrer keryga.
72.26 Wo ghaib ka jannay wala hai aur apney gheb per kisi ko mutlaa nahi kerta.
72.27 Siwaey us peyghamber kay jissay wo pasand kerley lekin usskay bhi aagay pechay pehraydar muqarrer kerdyta hai.
72.28 Takay unkay apney rab kay paygham phoncha denay ka ilm hojaey.Allah talah ney unkay aas pass (ki tamam cheezon) ka ehaata ker rakha hai aur her cheez ki gintee ka shumaar ker rakha hai. |
| |
|
| |
|
| |
